पुणे: प्रतिनिधी
वडगाव चे माजी सरपंच मुरलीधर गणपत खाडे यांचे वृद्धापकाळाने निधन झाले. ते 87 वर्षांचे होते. त्यांच्या मागे पत्नी, जनार्दन खाडे व नितीन खाडे ही दोन मुले एक मुलगी असा परिवार आहे. जनार्दन खाडे यांनी देखील वडगावचे उपसरपंचपद भूषविले आहे.
सरपंच म्हणून त्यांनी वडगावच्या विकासासाठी मोठे योगदान दिले. नंतरच्या काळातही समाजकार्यात ते सक्रिय राहिले. वडगावचे ग्रामदैवत असलेल्या भैरवनाथ मंदिराच्या जीर्णोद्धारामध्ये खाडे यांचा महत्त्वाचा सहभाग होता. शेगाव येथील श्री संत गजानन महाराज यांच्या प्रकट दिनाचा मोठा उत्सव खाडे कुटुंबीयांच्या वतीने वडगाव येथे साजरा करण्यात येतो. या उपक्रमाची सुरुवात मुरलीधर खाडे यांनी केली.
सामाजिक, सांस्कृतिक आणि धार्मिक कार्यात आघाडीवर असलेल्या खाडे यांच्या निधनामुळे वडगाव आणि परिसरात मोठ्या प्रमाणावर हळहळ व्यक्त केली जात आहे.
Comment List