म्हसवड दि. २६
म्हसवड एस.टी. बस स्थानक परिसरातील व्यावसायिकांनी मोठ्या प्रमाणावर रस्त्यावर आपली दुकाने थाटल्याने वाहतुकीस मोठा अडथळा निर्माण होत असुन पालिकेने वाहतुकीस अडथळा ठरणारी अतिक्रमणे त्वरीत हटवावीत अन्यथा पालिका विरोधात पालिका कार्यालयासमोर आपण आत्मदहन करु असा इशारा सामाजिक कार्यकर्ते अजिनाथ केवटे यांनी निवेदनाद्वारे दिला आहे.
याबाबत केवटे यांनी पालिकेला दिलेल्या पत्रात म्हटले आहे की म्हसवड एस.टी. बस स्थानक परिसरातील व्यावसायिकांनी आपली दुकाने ही रस्त्यावर मांडली असल्याने याठिकाणी रस्ता अरुंद झाला आहे त्यामुळे याठिकाणी वाहतुक कोंडी ही नित्याचीच बनली आहे. तर शहरात प्रवेश करणारा हाच मुख्य रस्ता असल्याने याठिकाणी सातत्याने होणारी वाहतुक कोंडी ही सर्वांसाठी मोठी डोकेदुखी ठरत आहे. पालिकेने याकडे त्वरीत लक्ष देवुन अतिक्रमण करणार्यांवर कारवाई करावी व रस्त्याला होणारी अडचण दुर करावी अन्यथा आपण पालिका प्रशासनाच्या विरोधात दि. २७ रोजी पालिका इमारतीसमोर आपण आत्मदहन करणार असल्याचे केवटे यांनी म्हटले आहे.०००
Comment List